Beth yw WISE?
Yn Saesneg, ystyr WISE yw: Welsh Initiative for Supported Employment. Yn Gymraeg, mae hyn yn cael ei drawsieithu fel Menter Cynnal Cyflogaeth Cymru.
"Cynnal" –mae hyn yn golygu y bydd WISE yn rhoi pob cymorth i sicrhau eich bod chi’n ennill swydd, ac yn rhoi’r cymorth sydd ei angen i gadw swydd.
"Cyflogaeth" mae hyn yn golygu y bydd WISE yn edrych am swydd i chi.
Dod i’ch nabod chi
Yn eich cyfarfod cyntaf yn WISE cewch gwrdd â’ch Ymgynghorydd Cyflogaeth sydd yno i’ch helpu chi ddod o hyd i waith. Byddwch hefyd yn cwrdd ag Ymgynghorydd Hyfforddiant WISE sydd yno i drefnu hyfforddiant yn y gweithle. Byddan nhw’n siarad ‘da chi mewn ffordd gyfeillgar, ac fe gewch chi ddigon o gyfle i sôn am:
- Waith neu hyfforddiant ‘dych chi wedi’i wneud
- Beth wnaethoch chi yn yr ysgol neu’r coleg
- Y sgiliau sy ‘da chi
- Y gwaith hoffech chi’i wneud
Mae’r wybodaeth hon yn helpu WISE adeiladu darlun ohonoch chi, a’r gwaith bydd yn eich siwtio.