Sefydlwyd Cymdeithas Longfields (a adwaenir cynt yn Gymdeithas Sbastig Abertawe a’r Cylch) ym 1952 gan grŵp bychan o rieni oedd yn bryderus nad oedd darpariaeth o fewn y system addysg ar gyfer eu plant anabl. Mae rhai o’r sylfaenwyr gwreiddiol yn dal i gefnogi Longfields.
Mewn byr amser roedd y rhieni wedi codi digon o arian i’w galluogi i agor ystafell ysgol lle’r oedd eu plant yn mynychu bob dydd, ac ar ôl llawer o lobio ar bob lefel, roeddynt wedi deffro cymaint o ymwybyddiaeth gyhoeddus nes y cawsant eu darparu ag athro gan Adran Addysg yr awdurdod lleol. Yn ddiweddarach, agorwyd Ysgol Arbennig yn Abertawe, wedi ei lleoli yn Nhreforys.
Mynychodd y plant oed ysgol oedd wedi eu hasesu i fod yn berchen ar lefel ddeallusol benodol yr ysgol yn Nhreforys, gan adael y rhai oedd yn barod dros oed ysgol, a’r rhai a dybid na ellid eu haddysgu, heb ddarpariaeth.Ym 1955 wedi rhagor o godi arian a gwaith cysylltiadau cyhoeddus, prynwyd yr eiddo yn Longfields a gallodd y plant oedd ar ôl a’r bobl ieuanc fynychu’r Feithrinfa a’r Ganolfan Hyfforddi Adolesent, a sefydlwyd bryd hynny.
Pan adawodd y plant yr ysgol yn Nhreforys dechreuodd rhai ohonynt ddefnyddio’r gwasanaeth yn Longfields ac mae rhai ohonynt yn mynychu yno hyd heddiw.
Dros hanner can mlynedd ymlaen mae Longfields wedi datblygu yn Ganolfan Dydd, sydd yn darparu gwasanaeth i 34 o bobl gydag ystod o anableddau, gyda staff o 25.
Yn awr dan gontract i Ddinas a Sir Abertawe, mae Longfields yn uchel ei pharch yn ei maes, wedi ennill a dal y Wobr Buddsoddwr mewn Pobl, a Gwobr Aur Iechyd yr Amgylchedd i’w adran arlwyo.
Yn ystod y ddwy flynedd ddiwethaf mae Longfields wedi mynd drwy adolygiad cynhwysfawr a gynhaliwyd gan ymgynghorwyr allanol, ac mae’n awr yn agosáu at derfyn y rhaglen wella gwasanaethau gafodd ei gweithredu yn ymateb i’r adolygiad.
Mae’r cyfleoedd sydd ar gael i ddefnyddwyr gwasanaeth Cymdeithas Longfields yn amrywiol, a nod y Gymdeithas yw hybu annibyniaeth defnyddwyr ein gwasanaethau. Mae cymhorthdal a dderbyniwyd gan y Gronfa Cymuned yn galluogi i Longfields adeiladu pwll hydrotherapi y gobeithir ei gwblhau erbyn Gwanwyn 2005.DATGANIAD O FWRIAD
Mae’r elusen wedi ei seilio ar y gosodiad fod gan bobl anabl yr hawl i’r un cyfleoedd a phobl abl, ac mae wedi ei sefydlu er mwyn gweithio ochr yn ochr â phobl anabl i’w cynorthwyo i gyrraedd eu potensial a chyflawni eu dyheadau.
DIBENION DRAFFT
Nod yr Elusen yw darparu cymorth i oedolion (19 mlwydd oed a drosodd) gydag unrhyw fath o barlys yr ymennydd a/neu anableddau eraill perthynol, ac i’w cynhalwyr, drwy baratoi amrywiaeth o wasanaethau sydd wedi eu haddasu i ddiwallu anghenion unigol ei defnyddwyr gwasanaethau.
AMCANION DRAFFT
I ymestyn dysgu pobl â pharlys yr ymennydd a/neu anableddau eraill perthynol sydd yn byw yn Ninas a Sir Abertawe ac ym Mwrdeistref Sirol Castell-nedd Port Talbot drwy gynnig ystod o wasanaethau a chymorth. Ystyrir ceisiadau am gymorth oddi wrth bobl â pharlys yr ymennydd a/neu anableddau eraill perthynol sydd yn byw o fewn ardaloedd awdurdodau lleol eraill ar sail adnoddau a gallu’r Gymdeithas i ddiwallu eu anghenion yn foddhaol.
I ymestyn dysgu pobl â pharlys yr ymennydd a/neu anableddau eraill perthynol sydd yn defnyddio gwasanaethau Cymdeithas Longfields trwy:
-
Ddarparu amgylchedd diogel, cyffrous a chyfforddus sydd yn galluogi’r mwyafswm o gyfleoedd ar gyfer addysg, dysgu, a datblygiad personol.
-
Gynnig amrywiaeth o gyfleoedd i ddysgu a chynnal sgiliau bywyd ac annibyniaeth mewn amgylchoedd priodol.
- Ddarparu amrywiaeth o gyfleoedd dysgu ac addysgol mewn amgylchoedd priodol.
- Ddarparu amrywiaeth o gyfleoedd i ddysgu trwy weithgareddau hamdden mewn amgylchoedd priodol.
-
Ddarparu cyfleoedd perthynol i waith, o fewn amgylchoedd cefnogol, a gynlluniwyd i alluogi’r mwyafswm o ddysgu am fyd gwaith, ac i fwyhau eu cyflogadwyedd.
-
Ddarparu cyfleoedd i gymryd rhan mewn, a dysgu am, wneud penderfyniadau, rheoli gwasanaeth, darparu gwasanaeth, a datblygiad gwasanaeth.
-
Gyfrannu at liniaru salwch pobl sydd â pharlys yr ymennydd a/neu anableddau eraill tebyg trwy ddarparu rhai gwasanaethau therapiwtig.
-
Gynnig i bobl â pharlys yr ymennydd a/neu anableddau eraill tebyg a’u cynhalwyr wybodaeth a chyngor sydd wedi ei gynllunio i gynyddu eu dealltwriaeth o’r sialensiau maent yn eu hwynebu a’r cymorth sydd ar gael iddynt.
- Godi ymwybyddiaeth y cyhoedd o’r cyfraniad positif y gall pobl â pharlys yr ymennydd a/neu anableddau eraill perthynol ei wneud i’r gymuned ac i gymdeithas yn gyffredinol.
PWYLLGOR GWEITHREDOL
CYFARWYDDWR
Cyfrifoldeb Cyffredinol dros Longfields.RHEOLWR / DIRPRWY GYFARWYDDWR GWASANAETH DYDD
- Cyfrifoldeb am y Ganolfan Dydd.
- Dirprwyo i’r Cyfarwyddwr.
DIRPRWY REOLWR GWASANAETH DYDD
- Yn gyfrifol am redeg y ganolfan ddydd o ddydd i ddydd.
- Cynorthwyo ac fel bo’r gofyn, dirprwyo i’r Rheolwr Gwasanaeth Dydd yn nhrefnu a datblygu’r gwasanaeth.
SWYDDOGION GWASANAETH DYDD (11)
- Datblygu a chydymdrafod cyfleoedd seiliedig ar anghenion ac amcanion nodwyd gan ddefnyddwyr gwasanaeth.
- Gweithredu fel gweithiwr allweddol & chynorthwyo yn natblygiad cyffredinol y gwasanaeth.
GWEINYDDWR
Sicrhau fod y swyddfa yn rhedeg yn effeithiol ac yn effeithlon, rhoi cefnogaeth gweinyddol llawn i’r Cyfarwyddwr a swyddi eraill fel bo’r gofyn.CYNORTHWYYDD CLERIGOL
- Gweithio fel rhan o dim mewn ffordd hyblyg gan sicrhau fod y swyddfa yn rhedeg yn effeithiol ac yn effeithlon.
- Rhoi cefnogaeth clerigol llawn i’r Gweinyddwr a swyddi eraill fel bo angen.
RHEOLWR CLUDIANT AC ADEILADAU
- Rheoli pob agwedd o gludiant, adeiladau a thir Cymdeithas Longfields.
- Trefnu tîm o yrwyr a hebryngwyr er mwyn cludo’r defnyddwyr gwasanaeth i ac o Longfields.
TASGMON
Gweithio’n agos gyda’r Rheolwr Cludiant ac Adeiladau yn cynnal a chadw adeiladau a thiroedd Cymdeithas Longfields.GYRWYR/HEBRYNGWYR
Gweithredu fel gyrrwr / hebryngwr yng nghludiant diogel ein defnyddwyr gwasanaeth i ac o Gymdeithas Longfields.SWYDDOG CYSYLLTIADAU CYHOEDDUS / CODI ARIAN
Rheoli pob agwedd o godi arian trwy strategaeth effeithiol a chynllunio i godi proffil Cymdeithas Longfields ym myd busnes a’r gymuned leol.COGINYDD
Yn gyfrifol am redeg y gegin o ddydd i ddydd.COGINYDD CYNORTHWYOL
Gweithio ochr yn ochr â’r coginydd yn rhedeg y gegin o ddydd i ddydd.GWASANAETHAU CYMDEITHAS LONGFIELDS
Mae Cymdeithas Longfields yn darparu gwasanaethau er budd oedolion gyda pharlys yr ymennydd ac anableddau tebyg, a’u cynhalwyr, yn Ninas a Sir Abertawe, ac, fel cymdeithas anghorfforedig, mae hefyd yn ofynnol iddi ddarparu gwasanaethau i’w haelodau.
Mae’r adran hon yn disgrifio’r gwasanaethau uniongyrchol mae’r Gymdeithas yn eu darparu i bob carfan o’i buddiolwyr.
Y GWASANAETH DYDD
LLEOLIAD
Mae Gwasanaeth Dydd Cymdeithas Longfields wedi ei leoli o fewn adeilad a godwyd yn bwrpasol oddi mewn i dir y Gymdeithas yn Bethany Lane, West Cross, Abertawe
NIFER O LEFYDD
Gall y gwasanaeth dydd gynnig llefydd sydd yn gyfwerth a 29 o lefydd llawn amser bob dydd i oedolion gyda pharlys yr ymennydd ac anableddau tebyg.
Mae Dinas a Sir Abertawe ar hyn o bryd yn prynu 29 o lefydd llawn amser neu eu cyfwerth bob dydd oddi ar y Gymdeithas ar sail Cytundeb Lefel Gwasanaeth ysgrifenedig sydd yn rhedeg am gyfnodau o dair blynedd ond sydd yn amodol ar adolygiadau blynyddol.
ORIAU GWEITHREDU
Mae’r gwasanaeth dydd yn agored i ddefnyddwyr gwasanaeth rhwng 9.00 a 4.30 bob dydd yn ystod yr wythnos drwy gydol y flwyddyn, heblaw am wyliau banc a gwyliau cyhoeddus, egwyl y Nadolig (cytunir y dyddiadau cau bob blwyddyn), a dyddiau pan mae’r gwasanaeth ar gau ar gyfer gweithgareddau datblygu staff neu hyfforddiant.
Mae aelodau’r staff yn gweithio’r oriau rhwng 8.00 a 5.45 bob dydd.
TREFNIADAU CLUDIANT
Pan yn bosib, mae’r Gymdeithas yn darparu cludiant ar gyfer ei defnyddwyr-gwasanaeth i’w ac o’u cartrefi. Mewn amgylchiadau lle nad yw hyn yn bosib oherwydd cyfyngiadau yn ymwneud ag argaeledd cludiant neu oherwydd y ffaith fod defnyddwyr-gwasanaeth yn byw y tu allan i’r ffyrdd cludiant arferol neu ffiniau awdurdodau lleol, bydd y Gymdeithas yn trafod trefniadau cludiant gyda’r defnyddiwr-gwasanaeth, ei gynhalwyr / chynhalwyr, a’r (pan yn berthnasol) rheolwr gofal sydd wedi cyfeirio’r defnyddiwr-gwasanaeth i’r Gymdeithas.
YMBORTH A CHINIAWAU
Darperir te a choffi ar gyfer y defnyddwyr-gwasanaeth bob bore a phrynhawn ac maent yn cael cynnig dewis o giniawau.
TREFNIADAU RHEOLAETH A STAFFIO
Mae Pwyllgor Gweithredol gwirfoddol yn rheoli’r Gymdeithas yn unol â’i chyfansoddiad. Cynrychiolir defnyddwyr-gwasanaeth ar y Pwyllgor Gweithredol.
Mae’r gwaith o redeg y Gymdeithas o ddydd i ddydd wedi ei ddirprwyo i’r Cyfarwyddwr ac i’r Dirprwy Gyfarwyddwr. Mae gan y Dirprwy Gyfarwyddwr swyddogaeth ddeublyg oherwydd mai ef neu hi hefyd yw’r rheolwr gwasanaeth dydd, gyda chyfrifoldeb cyffredinol dros redeg y gwasanaeth hwn o ddydd i ddydd.
Mae dirprwy reolwr gwasanaeth dydd yn cynorthwyo’r rheolwr yn y swyddogaeth hon.
Mae’r gwasanaeth dydd yn cael ei staffio gan gyflenwad cyfwerth ag 11 swyddog gwasanaeth llawn amser. Gall cyfanrif y cyflenwad amrywio os a phan mae’r Gymdeithas yn cytuno i ddarparu gwasanaethau yn ychwanegol i’r rhai a brynwyd gan Adran Gwasanaethau Cymdeithasol Dinas a Sir Abertawe ar sail cytundebau contract prynu yn y fan a’r lle ac/neu os bydd y pwyllgor gweithredol yn cymeradwyo newidiadau i gymysgedd neu gyflenwad staffio yn gyffredinol.
Mae’r gwasanaeth dydd yn elwa o wasanaethau staff cegin ac arlwyo ymroddedig, ac mae’r Gymdeithas hefyd yn cyflogi staff i reoli ei threfniadau cludiant ac i reoli a chynnal ei thiroedd a’i hadeiladau. Mae’r Gymdeithas yn cyflogi gyrwyr a hebryngwyr i gyflawni anghenion cludiant ei defnyddwyr-gwasanaeth. Mae gan y Gymdeithas swydd ran-amser sydd yn ymroddedig i godi arian a gwaith cysylltiadau cyhoeddus.
Mae’r gwasanaethau dydd yn derbyn cymorth gweinyddol gan dîm gweinyddol canolog y Gymdeithas.
GWEITHGAREDDAU ASESIO A CHYNLLUNIO UNIGOL
Dylai fod gan pob defnyddiwr-gwasanaeth ddaeth atom drwy law'r awdurdod lleol gynllun gofal wedi ei gwblhau yn rhoi manylion o’r amcanion yr hoffai’r awdurdod lleol weld y Gymdeithas yn eu darparu ar gyfer a gyda’r defnyddiwr-gwasanaeth.
Penodir gweithiwr allweddol o fysg y tîm staff ar gyfer pob defnyddiwr-gwasanaeth sy’n mynychu’r gwasanaeth dydd. Penodir gweithiwr allweddol ar gyfer defnyddwyr-gwasanaeth newydd o fewn tair wythnos (neu 15 diwrnod mynychu) ar ôl iddo gychwyn mynychu’r gwasanaeth dydd. Bydd y gweithiwr allweddol penodol yn helpu defnyddiwr-gwasanaeth newydd i ddod yn gyfarwydd â’r gwasanaeth a chwblha asesiad seiliedig-ar-wasanaeth o’i gryfderau / chryfderau, anghenion a dyheadau yn ystod yr 8 wythnos (neu 40 diwrnod mynychu) gyntaf iddo / iddi fynychu’r gwasanaeth. Bydd y gweithiwr allweddol hefyd yn gweithio ochr yn ochr â’r defnyddiwr-gwasanaeth er mwyn cynhyrchu ‘portffolio personol o wybodaeth’ o fewn 12 wythnos (neu 60 o ddiwrnodau mynychu) iddo gael ei benodi.
Bydd canlyniadau’r broses asesu a’r cyfnod setlo i mewn yn helpu’r defnyddiwr-gwasanaeth a’i (g)weithiwr allweddol i benderfynu ar raglen unigol o weithgareddau a gynigir i’r defnyddiwr-gwasanaeth yn y gwasanaeth dydd. Bydd gan ddefnyddwyr-gwasanaeth newydd gynllun unigol wedi ei gwblhau o fewn 12 wythnos (neu 60 o ddiwrnodau mynychu) wedi iddynt gychwyn mynychu’r gwasanaeth dydd.
Mae gofyn i bob defnyddiwr-gwasanaeth gael ailasesiad blynyddol o’i gryfderau / chryfderau, anghenion, a dyheadau, ynghyd ag adolygiad ffurfiol o’r cynllun unigol. Fodd bynnag, mae gan bob defnyddiwr-gwasanaeth yr hawl i adolygiad ffurfiol o’i gynllun / chynllun seiliedig-ar-wasanaeth 6 mis ar ôl cychwyn y cynllun, ac mae wedyn yn mynd drwy’r cylchred adolygu blynyddol.
Er y gwneir pob ymdrech i drefnu prosesau cynllunio ac adolygu’r gwasanaeth i gyd-fynd â dyddiadau adolygiadau rheoli gofal yr awdurdod lleol, gall fod rhai amgylchiadau pan fydd y rhain yn digwydd ar wahân. Nid yw hyn yn broblemus cyn belled a bod y berthynas rhwng y ddau broses yn cael ei rheoli’n effeithiol.
RHAGLEN GYTBWYS I DDEFNYDDWYR-GWASANAETH
Mae Cymdeithas Longfields yn amcanu cynnal cydbwysedd rhwng cynnig i ddefnyddwyr-gwasanaeth:
-
Sesiynau unigol gyda gweithwyr allweddol neu aelodau eraill o’r staff yn canolbwyntio ar helpu’r defnyddiwr-gwasanaeth i symud ymlaen tuag at gyflawni amcanion ei gynllun / chynllun unigol seiliedig-ar-wasanaeth.
-
Gweithgareddau gwaith-grŵp lle mae’r ffocws ar helpu’r defnyddiwr-gwasanaeth i symud ymlaen tuag at gyflawni amcanion ei gynllun / chynllun unigol.
-
Gweithgareddau galwedigaethol adeiladol fydd yn galluogi defnyddwyr-gwasanaeth i ddysgu am wahanol ffyrdd o ddefnyddio eu hamser rhydd a dysgu iddynt sgiliau cymdeithasoli, galwedigaethol ac annibyniaeth mewn ffordd gyffredinol fydd hefyd yn cynnig mynediad defnyddwyr-gwasanaeth i brofiadau a chyfleoedd newydd.
Y GWEITHGAREDDAU A CHYFLEOEDD AR GYNNIG
Fe gynigir i bob defnyddiwr-gwasanaeth nifer o weithgareddau o’r ddewislen a ganlyn:
- Cynorthwyo’r defnyddiwr-gwasanaeth i ddatblygu a chynnal sgiliau iaith a chyfathrebu
-
Cynorthwyo defnyddwyr-gwasanaeth i ddatblygu a chynnal symudedd a sgiliau echddygol, yn enwedig drwy wasanaethau gweithwyr iechyd proffesiynol o’r tu allan i dîm staff y gwasanaeth dydd.
-
Helpu defnyddwyr-gwasanaeth i ddysgu defnyddio’r offer arbenigol maent eu hangen er mwyn minimeiddio effaith eu hanabledd.
-
Helpu defnyddwyr-gwasanaeth i reoli eu hymddygiad eu hunain, yn enwedig lle maent yn arddangos ymddygiad sydd yn peri sialens. Bydd gallu’r gwasanaeth i wneud hyn yn ddibynnol ar ei lwyddiant yn denu cefnogaeth gan weithwyr proffesiynol o’r tu allan i’r gwasanaeth.
-
Galluogi defnyddwyr-gwasanaeth i ddatblygu a chynnal eu sgiliau cymdeithasol o fewn a thu allan i sefyllfa’r gwasanaeth dydd.
-
Cynorthwyo defnyddwyr-gwasanaeth i gynyddu a chynnal eu sgiliau bywyd ac annibyniaeth mewn meysydd megis hunanofal, paratoi bwyd a choginio, rheoli arian, cyllido a gorchwylion domestig.
-
Helpu defnyddwyr-gwasanaeth i ddysgu sut i ddefnyddio’r gymuned leol.
- Galluogi defnyddiwr-gwasanaeth i gael mynediad i gyfleoedd dysgu ac addysgiadol ffurfiol mewn sefyllfaoedd cymunedol cyffredin (pryd bynnag y bydd hyn yn bosib).
-
Galluogi defnyddwyr-gwasanaeth i elwa o gyfleoedd sydd ar gynnig trwy dechnoleg gwybodaeth.
-
Helpu defnyddwyr-gwasanaeth i ddysgu am fyd gwaith, drwy brofi gweithgareddau gwarchodol yn arddull gwaith a thrwy gyrsiau a gweithgareddau gwaith paratoadol
-
Galluogi defnyddwyr-gwasanaeth i gael mynediad i weithgareddau chwaraeon, hamdden ac adloniant o fewn sefyllfaoedd cymunedol cyffredin, pryd bynnag fydd hyn yn bosib.
- Cynorthwyo defnyddwyr-gwasanaeth i brofi gwahanol weithgareddau hamdden a diddordebau y gallent eu dilyn yn annibynnol y tu allan i’r gwasanaeth dydd.
-
Galluogi defnyddwyr-gwasanaeth i gael mynediad i gyfleoedd hunanfynegiant drwy gyfrwng gweithgareddau yn berthynol i’r celfyddydau megis drama, barddoniaeth, ysgrifennu creadigol, a’r celfyddydau gweledol.
-
Galluogi defnyddwyr-gwasanaeth i gael mynediad i gyfleoedd hunanfynegiant drwy fod yn rhan o grwpiau hunaneiriolaeth defnyddiwr-gwasanaeth.
- Cynnig cyfleoedd i ddefnyddwyr-gwasanaeth i archwilio a dadlau materion sydd yn bwysig iddynt drwy gyfrwng trafodaethau grŵp.
- Darparu lefel briodol o gefnogaeth emosiynol i ddefnyddwyr-gwasanaeth sydd yn mynd drwy newid neu rwyg yn eu bywydau, megis y rhai hynny sydd yn profi colled neu brofedigaeth neu newidiadau yn eu dull o fyw (er enghraifft, symud o’r cartref teuluol i lety cynaledig).
- Darparu cyfleoedd i ddefnyddwyr-gwasanaeth i ymwneud a gwneud penderfyniadau, darparu gwasanaeth, datblygu gwasanaeth, a rheoli gwasanaeth drwy gael mynediad i ddulliau ffurfiol o ymglymu mewn siapio a gwella’r gwasanaeth.
Lle mae cynllun gofal a chynllun unigol seiliedig-ar-wasanaeth defnyddiwr-gwasanaeth yn nodi angen am weithgaredd neu gyfle gael ei darparu sydd ddim wedi ei restru uchod, bydd y Gymdeithas yn gwneud pob ymdrech i wneud hyn, o fewn cyfyngiadau ei hadnoddau a’r medrusrwydd sydd ar gael iddi.
Mae Cymdeithas Longfields yn sefydliad gwirfoddol sydd yn seiliedig ar aelodaeth. Caiff pob defnyddiwr-gwasanaeth y cyfle i ddod yn aelod o’r Gymdeithas (er bod hyn yn fater o ddewis yn hytrach nag yn orfodol). Mae gan aelodau’r Gymdeithas hawliau pleidleisio mewn cyfarfodydd cyffredinol blynyddol a chyfarfodydd cyffredinol arbennig.
MESUR IAWNDERAU DEFNYDDWYR GWASANAETH LONGFIELDS
-
Rydym eisiau dod i Longfields a bod yn hapus yma a bod â’r gallu i gael amser gyda ffrindiau yma.
-
Mae gweld y staff yn hapus yn ein gwneud ni yn hapus. Os yw’r staff yn drist medrwn ddweud fod rhywbeth o’i le, felly all y staff ddweud wrthym os oes pethau yn ymwneud â Longfields y gallent eu rhannu a’n cynnwys ni.
-
Hoffem i’r staff ofyn inni beth ydym ei eisiau.
-
Nid ydym eisiau ‘awyrgylch’ yma.
-
Rydym eisiau dewision ynglŷn â beth rydym yn gallu ei wneud.
-
Os ydym yn dechrau rhywbeth rydym angen amser i’w orffen.
-
Hoffem i rywun ofyn a wnaethom fwynhau rhywbeth.
-
Hoffem i gyfarfodydd fod ar ein lefel ni er mwyn inni gael deall.
-
Hoffem weld y tabl amser cyn iddo gael ei sgrifennu i fyny.
-
Os nad ydym yn hoffi rhywbeth a gawn ni ei newid?
-
Rydym eisiau cyfleoedd i ddweud wrth bobl nad ydym yn hoffi rhywbeth.
-
Hoffem i rywun ofyn beth ydym yn ei hoffi a ddim yn ei hoffi.
-
Ni all rhai ohonom ddarllen, felly dylai tablau amser gael eu gwneud fel bod pawb yn eu deall.
- Gwybodaeth ddealladwy i bawb.
- Print mawr i ddarllen.
Mae ‘bod o werth’ yn golygu:
-
Peidio cael ein hanwybyddu.
-
Cael ein dweud a siarad allan.
-
Cael ein cynnwys ym mhob penderfyniad.
-
Os yw’r staff yn mynd i drafod pethau – dowch i’n gweld ni yn gyntaf.
-
Peidio a siarad â ni dros ein pennau.
- Pobl ddim yn siarad i lawr wrthym.
- Cael egluro popeth wrthym fel ein bod yn ei ddeall.
Ddim i gael ein brysio ac i gael amser i ddweud beth ydym eisiau ei ddweud. Rydym yn teimlo’n rhwystredig pan mae pobl yn siarad â ni heb wrando arnom neu heb ein deall, felly mae angen i bobl gymryd amser i wrando arnom a’n deall.