Dyma fan lle gallaf gael gwybodaeth am y consortiwm
Bydd yn dweud wrthyf:
- Beth yw’r Consortiwm?
- Pwy sy’n Rheoli’r Consortiwm?
- Sut gallaf i Ddweud fy Nweud
Beth yw’r Consortiwm?
Consortiwm Bywydau Cymunedol
Yn rhoi cefnogaeth i bobl sydd ag anabledd dysgu ac sydd am fyw yn yr ardal leol.
Nid yw cyfundrefn y Consortiwm yn gwneud elw. Mae’n cael arian gan yr Awdurdodau Lleol a Chymdeithasau Tai, ac mae tâl yn cael ei godi ar denantiaid, sy’n dibynnu ar y budd-daliadau maen nhw’n eu derbyn.
Ble mae’r Consortiwm yn Gweithio?
Mae’r Consortiwm yn rhoi cefnogaeth mewn dwy ardal:
- Dinas a Sir Abertawe
- Cyngor Bwrdeistref Sirol Castell-nedd Port Talbot
Mae’n gyfundrefn sy’n helpu pobl sydd ag anabledd dysgu i:
- Fyw fel tenantiaid mewn tai cyffredin ar strydoedd cyffredin.
- Gael eu gwerthfawrogi a’u derbyn am bwy ydyn nhw.
- Gael yr un hawliau â phob oedolyn arall yn ein cymdeithas.
- Benderfynu beth maen nhw am ddigwydd yn eu bywydau eu hunain cymaint ag y gallan nhw.
Er mwyn gwneud i hyn ddigwydd ar ran Tenantiaid, mae’r Consortiwm yn gweithio gyda:
- Theulu (os dewiswch hynny).
- Yr Adran Gwasanaethau Cymdeithasol.
- Yr Awdurdod Iechyd.
- Chymdeithasau Tai.
- Chyfundrefnau Eiriolaeth
Pwy sy’n Rheoli’r Consortiwm?
Y Pwyllgor Rheoli
- Mae gan CLC bobl sy’n cwrdd er mwyn trafod sut mae’r Consortiwm yn cael ei redeg.
- Y Pwyllgor Rheoli yw enw’r bobl yma. Pennaeth CLC yw Pamela Evans.
- Mae gan y Pwyllgor Rheoli gyfrifoldeb i oruchwylio rheolaeth Consortiwm Tai Gorllewin Morgannwg.
- Mae aelodau’r Pwyllgor yn ymweld â thai pobl bob blwyddyn os yw tenantiaid yn cytuno â hyn. Mae’n gyfle iddyn nhw siarad â thenantiaid a staff ynghylch unrhyw broblemau neu anawsterau sydd ganddyn nhw, a sut y gall y Pwyllgor helpu.
Person Cyfrifol
Dan Ddeddf Safonau Gofal 2000, er mwyn inni weithredu fel asiantaeth ofal cartref mae Cynulliad Cenedlaethol Cymru yn gofyn bod gan rywun y cyfrifoldeb am reolaeth gyffredinol. Dyma’r ‘Person Cyfrifol’.
Person Cyfrifol y Consortiwm yw:
Enw: Rick Wilson Teitl ei swydd: Prif Weithredwr
Cymwysterau a Phrofiad Perthnasol: Mae gan Rick radd mewn Cymdeithaseg a Gwleidyddiaeth ac mae’n Weithiwr Cymdeithasol Cymwysedig .
Mae ganddo 17 mlynedd o brofiad o weithio mewn gwasanaethau ar gyfer pobl sydd ag anabledd dysgu yn y meysydd o: gefnogi pobl yn eu cartrefi eu hunain; cyfranogi ac eiriolaeth; datblygu cartrefi newydd, gofal yn ystod y dydd a gwasanaethau ail-leoli pobl; hyfforddi staff; a chontractio a chomisiynu gwasanaethau ar gyfer Awdurdod Lleol.
Yn ystod y naw mlynedd diwethaf mae Rick wedi gweithio i’r Consortiwm â’r cyfrifoldeb am reoli, monitro a datblygu ei wasanaethau i denantiaid, mae wedi bod yn Brif Weithredwr am dair blynedd.
Beth sy’n Digwydd os nad yw’r Person Cyfrifol yn y gwaith?
Os nad yw Rick yn mynd i fod yn y gwaith am 28 diwrnod neu fwy, mae gan y Consortiwm reolwyr eraill a fydd yn gwneud ei waith, sef:
Enw: Christine Brian Teitl ei Swydd:Cyfarwyddwraig Gwasanaethau Cymunedol
Cymwysterau a Phrofiad Perthnasol: BA(Anrh) Gwyddorau Cymdeithasol - Aseswyr NVQ D32/D33 NVQ Lefel 4 Rheolaeth
Rheolaeth15 mlynedd o brofiad yn y maes anabledd dysgu, yn amrywio o waith gwirfoddol, Gweithiwr Cymorth, Rheolwraig Gofrestredig, Rheolwraig Perfformiad, Rheolwraig Gweithredu a Chyfarwyddwraig Gwasanaethau Cymunedol 
Mae gan Christine y cyfrifoldeb am y gwasanaethau cymorth a strwythur rheoli gweithredu CTGM/CLC
Enw: Alice O' Sullivan
Teitl ei swydd:Rheolwraig Gweithredu
Cymwysterau a Phrofiad Perthnasol : SEN Meddyliol CSS (Tystysgrif Gwasanaethau Cymdeithasol) 5 mlynedd o brofiad nyrsio iechyd meddyliol 16 mlynedd yng ngofal preswyl gyda phobl hŷn 1 blwyddyn fel gweithiwr cymdeithasol yn y maes 5 mlynedd gyda Landlord Cymdeithasol Cofrestredig 2 flynedd gyda CTGM/CLC fel Rheolwraig Gweithredu
Mae gan Alice y cyfrifoldeb am redeg y gwasanaethau cymorth o ddydd i ddydd ac mae’n rheoli’r Rheolwyr Contract.
Staff eraill y Consortiwm
Gweithwyr Allweddol Fy ngweithiwr allweddol i fydd Gweithiwr Cymorth rwy’n cyd-dynnu’n dda â nhw. Dylen nhw fod yno i mi pan rwyf am siarad am y gwasanaeth, y pethau rwy’n eu heisiau, a’r pethau rwy’n eu hoffi neu’n eu casáu.
Cydlynwyr Gwasanaeth Mae Cydlynwyr Gwasanaeth yn rheoli Gweithwyr Allweddol. Mae Cydlynwyr Gwasanaeth yn rheoli peth o’r arian sy’n talu am fy ngwasanaeth i
Cydlynwyr Tîm Mae Cydlynwyr Tîm yn gweithio gyda grwp o wasanaethau oddi mewn i rwydwaith Rheolwyr Contract, a byddan nhw’n sicrhau bod digon o staff da i ddarparu fy ngwasanaeth.
Cydlynwyr Cymorth Tai Maen nhw’n gweithio gyda grwp mwy o denantiaid, ac yn sicrhau byddan nhw’n cwrdd â’m hanghenion i o ran ty. Bydd hyn yn sicrhau fy mod yn aros yn ddiogel yn fy nghartref fy hun.
Rheolwyr Contract Maen nhw’n goruchwylio’r holl reolwyr a’r staff ac yn sicrhau bod fy ngwasanaeth fel y dylai fod. Mae Rheolwyr Contract yn rheoli grwp bach o wasanaethau. Mae Rheolwyr Contract hefyd yn Rheolwyr Cofrestredig gydag Arolygiaeth Safonau Gofal Cymru.
Staff Swyddfa CTGM/CLC Mae staff hefyd yn gweithio yn swyddfeydd y Consortiwm ar Heol Walter. Mae’r staff yn helpu mewn nifer o ffyrdd gwahanol fel talu cyflogau staff, hawlio budd-daliadau ar gyfer tenantiaid, rheoli arian a hyfforddi a.y.b.
Gallwch ofyn i’ch staff am gopi o lyfryn Pwy yw Pwy y Consortiwm, a fydd yn dweud mwy wrthych am y bobl sy’n gweithio yn ein swyddfa a beth maen nhw’n ei wneud.
Mae pob un o’r rheolwyr a staff y Consortiwm am weithio gyda:
- Chi, eich teulu os ydych yn dewis, eich gweithiwr cymdeithasol neu eich nyrsys cymunedol a phobl eraill sy’n eich helpu
Sut Allwch Chi Ddweud eich Dweud?
Mae’r Consortiwm am i CHI ddweud eich dweud am y pethau sy’n digwydd yn eich bywyd ac am y cymorth a’r gwasanaeth rydych yn ei gael ganddyn nhw.
Dyma rai o’r ffyrdd y gallwch wneud hyn:
- Gallwch ddod i Grŵp Tenantiaid y Consortiwm sy’n cwrdd bob mis yn swyddfa’r Consortiwm yn Abertawe.
Yn y grwp tenantiaid gallwch:
- siarad am beth rydych yn hoffi a beth dydych chi ddim yn hoffi am le rydych yn byw a’ch gwasanaeth cymorth, clywed am beth mae’r Consortiwm yn gwneud a dweud beth rydych yn meddwl am unrhyw newidiadau maen nhw am wneud.
- cwrdd â thenantiaid o dai eraill y Consortiwm
- Gallwch ddod i Glwb Cymdeithasol y Consortiwm, sy’n cwrdd bob mis yn Abertawe.
- Gallwch ddod i’r dyddiau arolwg blynyddol er mwyn cwrdd â thenantiaid, staff a phobl eraill sy’n gweithio gyda’r Consortiwm
- Gallwch helpu i gynhyrchu cylchlythyr y Consortiwm a phenderfynu beth sy’n cael ei gynnwys ynddo.
- Gallwch helpu’r Consortiwm i ddewis staff newydd
- Gallwch gwyno os dydych chi ddim yn hapus â rhywbeth. Gallwch ddefnyddio Rheoliadau Cwyno’r Consortiwm i gwyno. Mae mwy o wybodaeth ar hyn yn y Canllaw i Ddefnyddwyr y Gwasanaeth.